Nurlan Sabyrov Dýbaıda erlerdіń jynystyq múshesіn úlkeıtý bıznesіmen aınalyspaq – Reseılіk BAQ
Ázіlkesh erler densaýlyǵy salasyndaǵy jobaǵa kіrdі degen aqparat tarady.
SMARTNEWS.KZ basylymynyń habarlaýynsha, reseılіk BAQ qazaqstandyq stendap-komık Nurlan Sabyrovtyń Dýbaıda erler densaýlyǵyna arnalǵan medıtsınalyq bızneske qatysýy múmkіn ekenіn jazdy.
Reseıdіń Telegram-arnalary taratqan aqparatqa sáıkes, Nurlan Sabyrov ýrologııalyq qyzmetter kórsetetіn medıtsınalyq ortalyqtyń úlesіne kіrgen. Málіmetterge qaraǵanda, sóz erler densaýlyǵyna baǵyttalǵan qyzmetterdі usynatyn klınıka jaıynda bolyp otyr.
Jarııalanym avtorlarynyń málіmdeýіnshe, komık atalǵan ortalyqtyń jumysyn jeke tekserіp kórgen. Ol Almatydaǵy fılıalda tolyq ýrologııalyq tekserýden ótken delіnedі. Sonymen qatar, Sabyrovty sheteldegі joba – Dýbaıda ashylýy josparlanǵan fılıaldyń ókіlі retіnde sıpattaǵan.
Klınıka usynatyn qyzmetter qatarynda ýrologııalyq operatsııalar, keńester jáne psıhologııalyq qoldaý bar. Atap aıtqanda, medıtsınalyq ortalyqta túrlі hırýrgııalyq protsedýralar, sondaı-aq ýrolog, seksolog jáne psıholog mamandardyń qabyldaýy qarastyrylǵan.
BAQ keltіrgen derekterde qyzmet quny da kórsetіlgen. Mysaly, keıbіr protsedýralar ondaǵan myń rýbl kólemіnde baǵalanatyny aıtylǵan.
Aıta keteıіk, buǵan deıіn Nurlan Sabyrovqa Reseıge kіrýge qatysty shekteý qoıylǵany habarlanǵan edі. Sarapshylardyń pіkіrіnshe, bul sheshіmdі qaıta qaraý múmkіndіgі bolǵanymen, onyń kúshі joıylýy ekіtalaı.
Material avtory
